"Ливерпуль" бош мураббийи Арне Слот Чемпионлар лигаси ҳудудидаги ўринлар учун кураш ҳақида фикр билдирди. Мерсисайдликлар айни дамда Премьер-лига турнир жадвалида олтинчи поғонани эгаллаб турибди.

"Эртага бизни навбатдаги ўйин кутмоқда. Биз бошқа жамоаларга унчалик эътибор қаратмаяпмиз. Биринчи навбатда ўз ўйинимизга диққат қилганмиз. Шуни биламизки, биз кўп ўйинларда ғалаба қозонишимиз керак, чунки Чемпионлар лигаси йўлланмаси учун курашдаги рақобатчиларимиз ҳам жуда кучли жамоалардир. Иложи борича тез-тез ғалаба қозониш — бизнинг асосий мақсадимиз. Биз, албатта, турнир жадвалини кузатиб боряпмиз, лекин бор эътиборимизни очколар ва фарқларга қаратганимиз йўқ", — деди Слот журналистларга.

Шанба куни "Ливерпуль" ўз майдонида "Вест Хэм"ни қабул қилади.