Fransiyada Jahon chempionati oldidan hujumchi Kilian Mbappening sog‘lig‘i holati faol muhokama qilinmoqda. Bu haqda L'Equipe nashri yozmoqda.
Manbalarning xabariga ko‘ra, hujumchi so‘nggi olti hafta davomida tizzasidagi kuchli og‘riqlar sababli "Real" safida amalda "bir oyoqda" o‘ynagan. Shu sababli unda maydonda tezlik olish bilan bog‘liq muammolar yuzaga kelgan. Endi Mbappe kelajakda yanada jiddiyroq jarohat olmaslik uchun davolanish kursini o‘tashi kerak. Jarrohlik amaliyoti o‘tkazilishi ham istisno etilmayapti.
Ushbu mavsumda Mbappe La Ligada 23 ta o‘yin o‘tkazdi. Hujumchi hisobida 23 ta gol va 4 ta golli uzatma bor.
