Францияда Жаҳон чемпионати олдидан ҳужумчи Килиан Мбаппенинг соғлиғи ҳолати фаол муҳокама қилинмоқда. Бу ҳақда L'Equipe нашри ёзмоқда.
Манбаларнинг хабарига кўра, ҳужумчи сўнгги олти ҳафта давомида тиззасидаги кучли оғриқлар сабабли "Реал" сафида амалда "бир оёқда" ўйнаган. Шу сабабли унда майдонда тезлик олиш билан боғлиқ муаммолар юзага келган. Энди Мбаппе келажакда янада жиддийроқ жароҳат олмаслик учун даволаниш курсини ўташи керак. Жарроҳлик амалиёти ўтказилиши ҳам истисно этилмаяпти.
Ушбу мавсумда Мбаппе Ла Лигада 23 та ўйин ўтказди. Ҳужумчи ҳисобида 23 та гол ва 4 та голли узатма бор.
