"Arsenal" ustozi Mikel Arteta jamoadagi kadrlar holati haqida to‘xtalib o‘tdi. Ispaniyalik mutaxassisning so‘zlariga ko‘ra, Ben Uayt, Maks Douman va Kay Xaversda "Chelsi"ga qarshi London derbisida maydonga tushish imkoniyati bor.
"Ha, biz Uayt, Douman va Xavers o‘yinga tayyor bo‘lishidan umidvormiz. Maks bugun oqshom 21 yoshgacha bo‘lgan jamoa tarkibida bir necha daqiqa harakat qiladi. Kay ertaga mashg‘ulotlarga kirishadi. Benning holatini esa ko‘ramiz", — dedi Arteta matbuot anjumanida.
"Arsenal" va "Chelsi" o‘rtasidagi derbi bahorning ilk oqshomida bo‘lib o‘tadi. "Emireyts" stadionidagi uchrashuv Toshkent vaqti bilan 21:30da boshlanadi.
