"Nyukasl" Chempionlar ligasining 1/8 finalida "Barselona"ga qarshi bahs olib boradigan bo‘ldi. Qur’a natijalarini "qarg‘alar"ning bosh operasion direktori Bred Miller sharhladi.
"Hayratlanarli juftlik. Musobaqaning besh karra g‘olibiga qarshi o‘ynash — bu elita Yevropa futboli demakdir, bu shunchaki fantastika. Biz turnirning hal qiluvchi bosqichlariga chiqyapmiz, shuning uchun har qanday o‘yin qiyin bo‘ladi. Biz jamoaga, murabbiylar shtabiga va bosh murabbiyga to‘liq ishonamiz. Bu o‘yinlarni katta intiqlik bilan kutyapmiz. Maqsadimiz — iloji boricha uzoqroqqa borish", — dedi Miller UYEFAga bergan intervyusida.
