"Liverpul" bosh murabbiyi Arne Slot vinger Rio Ngumohaga ko‘proq o‘yin amaliyoti taqdim etishni rejalashtirmoqda.

17 yoshli futbolchi joriy mavsumda "qizillar"ning 15 ta uchrashuvida maydonga tushdi, biroq faqat uch bor asosiy tarkibda ko‘rinish berdi (APL va Chempionlar ligasida hali biror marta asosiy tarkibda qayd etilmagan). Jurnalist Pol Joysning ma’lumotlariga ko‘ra, "Liverpul" ustozi mavsumning qolgan qismida jamoaning "chiqib kelayotgan yulduzi"ga ishonishga tayyor. Niderlandiyalik mutaxassis yosh inglizning raqiblarni yakkama-yakka kurashda aldab o‘tish qobiliyati jamoaga katta yordam berishi mumkin deb hisoblaydi.

Eslatib o‘tamiz, avgust oyida "Nyukasl"ga qarshi kechgan bahsda Rio Ngumoxa mersisaydliklar asosiy jamoasi safidagi hozircha yagona golini kiritgan edi.