Ilgari "Brentford" sharafini himoya qilgan angliyalik to‘purar Ayven Toni hozirda Saudiya Arabistonida to‘p surmoqda. Jurnalistlar Tonidan Angliyaga qaytish niyati bor-yo‘qligi haqida so‘rashdi. U esa bunga falsafiy tarzda javob qaytardi.
"Hech qachon "hech qachon" dema. Hozircha Saudiya Arabistonida o‘z oldimga qo‘ygan maqsadlarim bor. Men sovrinlar yutishni xohlayman. Oilam va farzandlarim uchun mablag‘ ishlab olishni istayman, buni yashirib o‘tirmayman. Bu yerda mening ishim bor. Ammo men o‘z rejalarini tez o‘zgartiradigan insonman. Kelajakda nima bo‘lishini kim biladi deysiz? Men har qanday takliflar uchun ochiqman", — deya Tonining so‘zlaridan iqtibos keltiradi "derbyderbyderby.it".
Ma’lumot uchun, Ayven Toni 2024 yildan beri Saudiya Arabistoni chempionatida ishtirok etib kelmoqda.













