Илгари "Брентфорд" шарафини ҳимоя қилган англиялик тўпурар Айвен Тони ҳозирда Саудия Арабистонида тўп сурмоқда. Журналистлар Тонидан Англияга қайтиш нияти бор-йўқлиги ҳақида сўрашди. У эса бунга фалсафий тарзда жавоб қайтарди.
"Ҳеч қачон "ҳеч қачон" дема. Ҳозирча Саудия Арабистонида ўз олдимга қўйган мақсадларим бор. Мен совринлар ютишни хоҳлайман. Оилам ва фарзандларим учун маблағ ишлаб олишни истайман, буни яшириб ўтирмайман. Бу ерда менинг ишим бор. Аммо мен ўз режаларини тез ўзгартирадиган инсонман. Келажакда нима бўлишини ким билади дейсиз? Мен ҳар қандай таклифлар учун очиқман", — дея Тонининг сўзларидан иқтибос келтиради "derbyderbyderby.it".
Маълумот учун, Айвен Тони 2024 йилдан бери Саудия Арабистони чемпионатида иштирок этиб келмоқда.
