"Chelsi"ning sobiq futbolchisi Eden Azar "PSJ" tomonidan o‘ziga bo‘lgan qiziqishlarni yodga oldi.
"Men bilan "PSJ" har yili aloqaga chiqardi. Ammo mening xayolimda hamma narsa aniq edi. "Lill"ni tark etayotganimda o‘z-o‘zimga shunday deganman: "Fransiyada "Lill"dan boshqa hech qaysi klubda o‘ynashni istamayman. Agar qaytsam, faqat "Lill" uchun, shu insonlar uchun qaytaman". Men "PSJ"ga o‘tishni xohlamaganman.
"PSJ" — buyuk klub. Nosir al-Helayfiy kelgan, katta pullar taklif qilishgan va ularda doimo Chempionlar ligasida o‘ynashga qodir jamoa bo‘lgan. "Chelsi"da ishlarim juda yaxshi ketayotgan bir paytda, mening orzum "Real" edi. Men avval "PSJ"ga o‘tib, keyin "Real"ga borishni istamaganman", — deya Azarning so‘zlaridan iqtibos keltiradi "The Touchline".
Eden Azar 32 yoshida professional faoliyatini yakunlagan edi.













