"Челси"нинг собиқ футболчиси Эден Азар "ПСЖ" томонидан ўзига бўлган қизиқишларни ёдга олди.
"Мен билан "ПСЖ" ҳар йили алоқага чиқарди. Аммо менинг хаёлимда ҳамма нарса аниқ эди. "Лилль"ни тарк этаётганимда ўз-ўзимга шундай деганман: "Францияда "Лилль"дан бошқа ҳеч қайси клубда ўйнашни истамайман. Агар қайтсам, фақат "Лилль" учун, шу инсонлар учун қайтаман". Мен "ПСЖ"га ўтишни хоҳламаганман.
"ПСЖ" — буюк клуб. Носир ал-Ҳелайфий келган, катта пуллар таклиф қилишган ва уларда доимо Чемпионлар лигасида ўйнашга қодир жамоа бўлган. "Челси"да ишларим жуда яхши кетаётган бир пайтда, менинг орзум "Реал" эди. Мен аввал "ПСЖ"га ўтиб, кейин "Реал"га боришни истамаганман", — дея Азарнинг сўзларидан иқтибос келтиради "The Touchline".
Эден Азар 32 ёшида профессионал фаолиятини якунлаган эди.
