"Liverpul" bosh murabbiyi Arne Slot APL 28-turi doirasida "Vest Xem"ga qarshi bo‘lib o‘tgan uchrashuv haqida o‘z fikrlarini bildirdi. O‘yin 5:2 hisobida yakunlandi (birinchi bo‘limdan so‘ng 3:0).
"Eng muhimi — biz standart vaziyatlardan 3 ta gol urdik. Ehtimol, to‘rtinchisi haqida ham gapirish mumkindir, chunki Gakponing goli standartdan biroz vaqt o‘tib kiritildi. Menimcha, biz ko‘rsatgan o‘yinimiz bilan tanaffusgacha 3:0 hisobida oldinda borishga loyiq emasdik", — dedi Slot Sky Sports nashriga bergan intervyusida.
"Biz o‘tkazgan barcha boshqa o‘yinlarda standart vaziyatlarimiz ko‘p bo‘lgan va ulardan gol urish uchun uzoq vaqt kurashgandik. Imkoniyatlarimiz bor edi va hammasi iziga tushishini bilardik. Hozir aynan shunday bo‘lmoqda", — deya qo‘shimcha qildi murabbiy.
"Liverpul" 48 ochko bilan turnir jadvalida beshinchi o‘rinda bormoqda. "Vest Xem" esa 25 ochko bilan 18-pog‘onani egallab turibdi.
