"Ливерпуль" бош мураббийи Арне Слот АПЛ 28-тури доирасида "Вест Хэм"га қарши бўлиб ўтган учрашув ҳақида ўз фикрларини билдирди. Ўйин 5:2 ҳисобида якунланди (биринчи бўлимдан сўнг 3:0).
"Энг муҳими — биз стандарт вазиятлардан 3 та гол урдик. Эҳтимол, тўртинчиси ҳақида ҳам гапириш мумкиндир, чунки Гакпонинг голи стандартдан бироз вақт ўтиб киритилди. Менимча, биз кўрсатган ўйинимиз билан танаффусгача 3:0 ҳисобида олдинда боришга лойиқ эмасдик", — деди Слот Sky Sports нашрига берган интервьюсида.
"Биз ўтказган барча бошқа ўйинларда стандарт вазиятларимиз кўп бўлган ва улардан гол уриш учун узоқ вақт курашгандик. Имкониятларимиз бор эди ва ҳаммаси изига тушишини билардик. Ҳозир айнан шундай бўлмоқда", — дея қўшимча қилди мураббий.
"Ливерпуль" 48 очко билан турнир жадвалида бешинчи ўринда бормоқда. "Вест Хэм" эса 25 очко билан 18-поғонани эгаллаб турибди.
