«Inter» Italiya chempionatining 27-turi doirasidagi o‘z maydonida kechgan bahsda «Jenoa»ni 2:0 hisobida mag‘lub etdi.
Birinchi bo‘limda Federiko Dimarko gol urdi, ikkinchi bo‘limda esa Xakan Chalxanoglu penaltini aniq amalga oshirib, oradagi farqni oshirdi.
«Inter» A Seriyada ketma-ket sakkizinchi g‘alabasini qo‘lga kiritdi va 67 ochko bilan turnir jadvalida peshqadamlik qilmoqda. «Neradzurrilar» ikkinchi o‘rinda borayotgan «Milan»dan 13 ochko oldinda. «Rossonerilar»da hali bitta zaxira o‘yini mavjud.
«Jenoa» esa 27 ochko bilan 14-pog‘onani egallab turibdi.
A Seriya. 27-tur
01.03.2026 | 00:45
«Juzeppe Meassa», Milan
«INTER» — «JENOA» — 2:0
Gollar: Dimarko 31 (1:0), Xakan Chalxanoglu 70 - penaltidan (2:0).
«Inter»: Zommer, de Vrey (Bissek, 67), Karlos Augustu, Akandji, Zelinski (Frattezi, 76), Mxitaryan (Xakan Chalxanoglu, 59), Barella, Dimarko, Luis Enrike, Tyuram (Espozito, 59), Bonni (Diuf, 76).
«Jenoa»: Beylo, Estigor, Vaskes, Markandalli, Malinovskiy (Amorim, 46), Frendrup, Martin (Sabelli, 85), Ellertsson, Baldansi (Messias, 66), Vitinya (Ekuban, 60), Kolombo (Exator, 66).
Ogohlantirishlar: Mxitaryan (21), Xakan Chalxanoglu (65) — Malinovskiy (9).
