Milanning "Inter" klubi A Seriyadagi raqobatchilarini xafa qilishda davom etmoqda. Italiya chempionatining 27-turida klub "Djenoa" jamoasini 2:0 hisobida mag‘lub etdi.

O‘yin tafsilotlarini ruminiyalik mutaxassis Kristian Kivu sharhlab berdi va o‘z futbolchilarini maydonda ko‘rsatgan g‘ayratlari uchun maqtadi.

"Biz Chempionlar ligasidan chiqib ketdik va bu muvaffaqiyatsizlikdan ma’lum xulosalar chiqardik. Bugun juda g‘ayrat bilan o‘ynadik va natijaga erishdik. Derbi? Yo‘q, hozircha men birinchi navbatda "Komo" bilan o‘yin haqida o‘ylayapman, derbi esa undan keyin", — deya Kivuning so‘zlarini keltiradi fcinter1908.it.

Italiya chempionatining navbatdagi turida "Inter" "Milan"ga qarshi bahs olib boradi. Bu kelasi yakshanba kuni sodir bo‘ladi.