"Chelsi" bosh murabbiyi Liam Rosenyor klubdagi uzoq muddatli kelajagi haqida gapirdi. 41 yoshli ingliz mutaxassisi yanvar oyi boshida "ko‘klar" boshqaruvini qo‘lga olgan edi. Uning klub bilan shartnomasi 2032 yilning yoziga qadar mo‘ljallangan.
"Hozir men shu yerda, shu kursida o‘tiribman va albatta, unda iloji boricha uzoqroq qolmoqchiman. "Chelsi"da ko‘p yillar davomida ishlashni istayman. Bu nafaqat menga, balki futbolchilar, egalarimiz, xodimlar va sport direktorlariga ham tegishli. Men juda muvaffaqiyatli va uzoq muddatli loyihaning bir qismi bo‘lishni xohlayman. Shuning uchun ham men bu chaqiriqni qabul qildim", — deya jurnalist Bobbi Vinsent Rosenyorning so‘zlarini keltiradi.
Bugun "Chelsi" Premyer-liga doirasida safarda "Arsenal"ga qarshi maydonga tushadi.
