"Челси" бош мураббийи Лиам Росеньор клубдаги узоқ муддатли келажаги ҳақида гапирди. 41 ёшли инглиз мутахассиси январь ойи бошида "кўклар" бошқарувини қўлга олган эди. Унинг клуб билан шартномаси 2032 йилнинг ёзига қадар мўлжалланган.

"Ҳозир мен шу ерда, шу курсида ўтирибман ва албатта, унда иложи борича узоқроқ қолмоқчиман. "Челси"да кўп йиллар давомида ишлашни истайман. Бу нафақат менга, балки футболчилар, эгаларимиз, ходимлар ва спорт директорларига ҳам тегишли. Мен жуда муваффақиятли ва узоқ муддатли лойиҳанинг бир қисми бўлишни хоҳлайман. Шунинг учун ҳам мен бу чақириқни қабул қилдим", — дея журналист Бобби Винсент Росеньорнинг сўзларини келтиради.

Бугун "Челси" Премьер-лига доирасида сафарда "Арсенал"га қарши майдонга тушади.