"Yuventus" yozgi transfer oynasida tarkibni kuchaytirishni rejalashtirmoqda. "Tuttosport" nashrining xabar berishicha, hujumchi Randal Kolo-Muani hamon Turin klubining asosiy transfer maqsadi bo‘lib turibdi, ayniqsa, Dushan Vlaxovichning kelajagi borasidagi noaniqliklar fonida bu masala dolzarb bo‘lib qolmoqda.

Kolo-Muani avval ham "Yuventus"da to‘p surgan — u o‘tgan mavsumning ikkinchi yarmini ijara asosida Turinda o‘tkazgan edi. Sentyabr oyidan buyon Randal ijara asosida "Tottenxem" safida harakat qilmoqda. Nufuzli "Transfermarkt" portali mutaxassislari 27 yoshli futbolchining transfer qiymatini 25 million yevroga baholamoqda.

Randal Kolo-Muani "Tottenxem" safida 28 ta o‘yin o‘tkazib, ularda 4 ta gol urdi va sheriklariga 3 ta golli uzatmani amalga oshirdi.