"Ювентус" ёзги трансфер ойнасида таркибни кучайтиришни режалаштирмоқда. "Tuttosport" нашрининг хабар беришича, ҳужумчи Рандаль Коло-Муани ҳамон Турин клубининг асосий трансфер мақсади бўлиб турибди, айниқса, Душан Влаховичнинг келажаги борасидаги ноаниқликлар фонида бу масала долзарб бўлиб қолмоқда.
Коло-Муани аввал ҳам "Ювентус"да тўп сурган — у ўтган мавсумнинг иккинчи ярмини ижара асосида Туринда ўтказган эди. Сентябрь ойидан буён Рандаль ижара асосида "Тоттенхэм" сафида ҳаракат қилмоқда. Нуфузли "Transfermarkt" портали мутахассислари 27 ёшли футболчининг трансфер қийматини 25 миллион еврога баҳоламоқда.
Рандаль Коло-Муани "Тоттенхэм" сафида 28 та ўйин ўтказиб, уларда 4 та гол урди ва шерикларига 3 та голли узатмани амалга оширди.
