"Chelsi"ning sobiq darvozaboni Petr Chex "ko‘klar"ning so‘nggi o‘yinlardagi ishtiroki haqida o‘z fikrlari bilan o‘rtoqlashdi. U Liam Rosenyorning murabbiylik mahoratini yuqori baholadi.
"Ularda barqaror o‘yin namoyish eta olmagan bir nechta bahslar bo‘ldi, lekin menimcha, bu jamoada tajriba yetishmasligi bilan bog‘liq. Bu yosh jamoa va bilasizmi, ba’zan izchil natijalar ko‘rsatish qiyin bo‘ladi. Ammo hozirgi murabbiy bilan ularda yaxshi poydevor bor deb o‘ylayman va ular muntazam ravishda ijobiy natijalar qayd etishmoqda", — dedi Chex.
Hozirgi vaqtda "Chelsi" APL turnir jadvalida 6-o‘rinni egallab turibdi. London klubi 27 turdan so‘ng 45 ochko jamg‘ardi.
