"Челси"нинг собиқ дарвозабони Петр Чех "кўклар"нинг сўнгги ўйинлардаги иштироки ҳақида ўз фикрлари билан ўртоқлашди. У Лиам Росеньорнинг мураббийлик маҳоратини юқори баҳолади.
"Уларда барқарор ўйин намойиш эта олмаган бир нечта баҳслар бўлди, лекин менимча, бу жамоада тажриба етишмаслиги билан боғлиқ. Бу ёш жамоа ва биласизми, баъзан изчил натижалар кўрсатиш қийин бўлади. Аммо ҳозирги мураббий билан уларда яхши пойдевор бор деб ўйлайман ва улар мунтазам равишда ижобий натижалар қайд этишмоқда", — деди Чех.
Ҳозирги вақтда "Челси" АПЛ турнир жадвалида 6-ўринни эгаллаб турибди. Лондон клуби 27 турдан сўнг 45 очко жамғарди.
