"Real Madrid" bosh murabbiyi Alvaro Arbeloa Chempionlar ligasi 1/8 final qur’a natijalari haqida gapirdi. Unga ko‘ra, "qaymoqranglilar" "Manchester Siti" bilan kuch sinashadigan bo‘ldi.
"Bu ikki buyuk klub o‘rtasidagi hayajonli o‘yinlar bo‘ladi. "Real" muxlislari raqibning darajasi yuqoriligi sababli bu qarama-qarshilikni juda yaxshi ko‘rishadi. Vaqti kelganda, biz ushbu bahsga to‘liq tayyorgarlik ko‘ramiz", — deya Arbeloaning so‘zlarini keltiradi AS nashri.
"Real" va "Manchester Siti" o‘rtasidagi dastlabki o‘yin 11 mart kuni Madridda bo‘lib o‘tadi. Javob uchrashuvi esa 17 mart kuni Manchesterda o‘tkazilishi belgilangan. Ikkala o‘yin ham Toshkent vaqti bilan tungi soat 01:00 da boshlanadi.
Eslatib o‘tamiz, joriy mavsumdagi final bahsi Budapeshtdagi "Pushkash Arena" stadionida 2026 yilning 30 may kuni bo‘lib o‘tadi.
