Italiya chempionati navbatdagi 27-turining markaziy uchrashuvida «Roma» va «Yuventus» 3:3 hisobida jangovar durang qayd etishdi. Rimliklar ustozi Jan Pyero Gasperini o‘yin voqealariga to‘xtalar ekan, qayd etilgan natijani ijobiy qabul qilishini bildirdi.
«Biz bundan biroz yaxshiroq o‘ynashimiz mumkin edi, ammo umuman olganda, men bu natijani «yarim to‘la stakan» sifatida qabul qilaman. Hakam tomonidan qo‘shib berilgan vaqtda gol o‘tkazib yuborganimiz achinarli, lekin futbol shunday. Bugungi kunda o‘yinlar 95-daqiqagacha davom etadi. Natijadan qat’i nazar, ko‘rsatgan o‘yinimiz juda yaxshi bo‘ldi», — deya mutaxassisning so‘zlaridan iqtibos keltiradi «Forzaroma.info» nashri.
Natijada «Roma» A Seriya turnir jadvalidagi to‘rtinchi o‘rnini saqlab qoldi.
