«Roma» hujumchisi Doniell Malen A Seriya doirasidagi 7 ta o‘yinda 6 ta gol urishga muvaffaq bo‘ldi.
Niderlandiya terma jamoasining 27 yoshli futbolchisi Italiya chempionatining 27-turidan o‘rin olgan «Yuventus»ga qarshi bahsda (3:3) darvozabon bilan birga-bir vaziyatdan unumli foydalanib, gol urdi.
Endilikda Malenning hisobida rimliklar safidagi so‘nggi 4 o‘yinda 5 ta gol va umumiy 7 o‘yinda 6 ta gol (bittasi penaltidan) mavjud.
Eslatib o‘tamiz, yanvar oyi o‘rtalarida «Roma» Doniellni «Aston Villa»dan ijaraga olgan edi. U APLning 21 ta o‘yinida 5 (4+1) ochko jamg‘argan bo‘lib, Rim klubi uni 25 million funt sterling evaziga sotib olish huquqiga ega.
