«Рома» ҳужумчиси Дониэлл Мален А Серия доирасидаги 7 та ўйинда 6 та гол уришга муваффақ бўлди.

Нидерландия терма жамоасининг 27 ёшли футболчиси Италия чемпионатининг 27-туридан ўрин олган «Ювентус»га қарши баҳсда (3:3) дарвозабон билан бирга-бир вазиятдан унумли фойдаланиб, гол урди.

Эндиликда Маленнинг ҳисобида римликлар сафидаги сўнгги 4 ўйинда 5 та гол ва умумий 7 ўйинда 6 та гол (биттаси пенальтидан) мавжуд.

Эслатиб ўтамиз, январь ойи ўрталарида «Рома» Дониэллни «Астон Вилла»дан ижарага олган эди. У АПЛнинг 21 та ўйинида 5 (4+1) очко жамғарган бўлиб, Рим клуби уни 25 миллион фунт стерлинг эвазига сотиб олиш ҳуқуқига эга.