Fransiya Kubogi chorak finalidan o‘rin olgan bahsda «Strasbur» o‘z maydonida «Reyms» ustidan 2:1 hisobida g‘alaba qozondi. O‘yin Strasburdagi «Stad de la Meno» stadionida bo‘lib o‘tdi.
Birinchi bo‘limda darvozalarga gol urilmadi. Ikkinchi bo‘lim yakunida mezbonlar 4 daqiqa ichida ikki bor penaltidan gol urishga muvaffaq bo‘lishdi. Gollarga Xoakin Panikelli va Xulio Enkiso mualliflik qildi. «Shampanliklar» esa hakam tomonidan qo‘shib berilgan vaqtda bitta javob to‘pini kiritishdi — gol muallifi Elog Zabi.
«Strasbur» Fransiya Kubogining ilk yarim finalchisiga aylandi. Elzasliklarning navbatdagi raqibi qur’a tashlanganidan so‘ng ma’lum bo‘ladi.
Fransiya Kubogi. 1/4 final
04.03.2026 | 01:00
«la Meno», Strasburg
«STRASBUR» — «REYMS» — 2:1
Gollar: Panikelli 83 — penaltidan (1:0), Enkiso 87 — penaltidan (2:0), Zabi 90+4 (2:1).
«Strasbur»: Penders, Dukure, Xoysberg, Chiluell (Fofana, 70), Due, Barko (Mvanga, 85), Uttara, Nanasi (Amo-Ameyau, 70), Godo (Enkiso, 61), Yasin, Panikelli (El Murabet, 85).
Ogohlantirish: Yasin (37).
