«PSJ» bosh murabbiyi Luis Enrike «Barselona»ga qaytishi mumkin.

El Nacional nashrining xabariga ko‘ra, ispaniyalik mutaxassis 2027 yilda Kataloniya klubiga qaytish variantini istisno etmayapti. U allaqachon «ko‘k-anorranglilar» rahbariyatiga parijliklar vingeri Bredli Barkolani o‘zi bilan birga «Kamp Nou»ga o‘tishga ko‘ndira olishi mumkinligini bildirgan.

Eslatib o‘tamiz, Luis Enrike 2014 yildan 2017 yilgacha «Barselona»ni boshqargan. Uning qo‘l ostida Kataloniya klubi uch marta Ispaniya Kubogini, ikki marta La Ligani, shuningdek, bir martadan Ispaniya Superkubogi, Chempionlar ligasi, UEFA Superkubogi va klublar o‘rtasidagi jahon chempionatini qo‘lga kiritgan. Shuningdek, Enrike futbolchilik faoliyati davomida ham 1996 yildan 2004 yilgacha «ko‘k-anorranglilar» sharafini himoya qilgan.