«PSJ» yarim himoyachisi Vitinya Madridning «Real» klubi tomonidan bo‘layotgan qiziqishlar haqidagi mish-mishlarga munosabat bildirdi.

«PSJ»ni tark etish xato bo‘lgan bo‘lardi. Bu yerda o‘zimni juda yaxshi his qilyapman, ushbu klubni yaxshi ko‘raman, oilamga ham bu yer yoqmoqda. Hozirgi vaqtda «Real»ga o‘tish men uchun eng yaxshi qaror deb o‘ylamayman. «PSJ» muxlislari meni qadrlashlarini sezyapman va ularning mehrini qozonganman degan tuyg‘u bor. Bizda fantastik jamoa va aql bovar qilmas murabbiy bor», — dedi Vitinya Canal 11 telekanaliga bergan intervyusida.

Joriy mavsumda Vitinya «PSJ» safida barcha musobaqalarda 37 ta o‘yinda maydonga tushib, o‘z hisobiga 6 ta gol va 10 ta golli uzatmani yozdirib qo‘ydi. Uning parijliklar bilan amaldagi shartnomasi 2029 yilning 30 iyuniga qadar mo‘ljallangan.