«Real Madrid» ustozi Alvaro Arbeloa futbolchilarning motivasiyasi va jamoa oldidagi mas’uliyati haqida gapirdi.
«Bu — «Real», va biz bahona qidirmaymiz. Qiyinchiliklar qarshisida yanada kuchliroq bo‘lishimiz kerak. Futbolchilar, o‘yinchilar va professionallarga aynan vaziyat og‘irlashganda baho beriladi. Hisobda 3:0 oldinda borayotganingizda hamma yaxshi va ishonch bilan o‘ynaydi. Hamma narsa ko‘ngildagidek bo‘layotgan paytda «Real»da buyuk o‘yinchi bo‘lish oson. Lekin aynan hozir biz ushbu libos va ushbu emblemani kiyishga loyiq yoki loyiq emasligimizni ko‘rsatishimiz kerak», — dedi Arbeloa matbuot anjumanida jurnalistlarga.
Eslatib o‘tamiz, juma kuni «Real» Ispaniya chempionati doirasida «Selta»ga qarshi bahs olib boradi. «Qaymoqranglilar» uchun ushbu o‘yin safarda bo‘lib o‘tadi.
