"Barselona" markaziy himoyachisi Andreas Kristensen kelajagi borasida shoshilinch qaror qabul qilmaydi.
Daniyalik futbolchining amaldagi shartnomasi mavsum oxirida tugaydi. Yaqinda "Barselona" 29 yoshli futbolchiga maoshi sezilarli darajada kamaytirilgan holda yangi shartnoma taklif qilgani haqida xabar berilgan edi.
Mundo Deportivo xabariga ko‘ra, Kristensen "Barselona"ning taklifini qabul qilishdan oldin boshqa klublardan kelgan barcha takliflarni ko‘rib chiqadi.
Biroq, manbaning aniqlik kiritishicha, futbolchi hali ham Kataloniya giganti bilan yangi shartnoma tuzishga moyil.













