"Барселона" марказий ҳимоячиси Андреас Кристенсен келажаги борасида шошилинч қарор қабул қилмайди.
Даниялик футболчининг амалдаги шартномаси мавсум охирида тугайди. Яқинда "Барселона" 29 ёшли футболчига маоши сезиларли даражада камайтирилган ҳолда янги шартнома таклиф қилгани ҳақида хабар берилган эди.
Mundo Deportivo хабарига кўра, Кристенсен "Барселона"нинг таклифини қабул қилишдан олдин бошқа клублардан келган барча таклифларни кўриб чиқади.
Бироқ, манбанинг аниқлик киритишича, футболчи ҳали ҳам Каталония гиганти билан янги шартнома тузишга мойил.













