Dortmundning «Borussiya» klubi yarim himoyachisi Feliks Nmecha o‘zining qadrdon klubi — «Manchester Siti»ga qaytishi mumkin.

Football Insider nashrining ma’lumotlariga ko‘ra, «shaharliklar» Nmechani «Nottingem» xavbeki Elliot Andersonga muqobil variant sifatida ko‘rib chiqmoqdalar. 25 yoshli germaniyalik futbolchining «asalarilar» safidagi o‘yini Manchester klubi rahbariyatida katta taassurot qoldirdi.

Feliks Nmecha 2023 yilda «Volfsburg»dan «Borussiya»ga 30 million yevro evaziga o‘tgan edi. Uning amaldagi shartnomasi 2028 yilning 30 iyuniga qadar mo‘ljallangan. Joriy mavsumda yarim himoyachi «asalarilar» safida barcha musobaqalarda 38 ta o‘yinda maydonga tushib, beshta gol urdi va uchta golli uzatmani amalga oshirdi. Transfermarkt portali Nmechaning qiymatini 45 million yevroga baholamoqda.