Дортмунднинг «Боруссия» клуби ярим ҳимоячиси Феликс Нмеча ўзининг қадрдон клуби — «Манчестер Сити»га қайтиши мумкин.
Football Insider нашрининг маълумотларига кўра, «шаҳарликлар» Нмечани «Ноттингем» хавбеки Эллиот Андерсонга муқобил вариант сифатида кўриб чиқмоқдалар. 25 ёшли германиялик футболчининг «асаларилар» сафидаги ўйини Манчестер клуби раҳбариятида катта таассурот қолдирди.
Феликс Нмеча 2023 йилда «Вольфсбург»дан «Боруссия»га 30 миллион евро эвазига ўтган эди. Унинг амалдаги шартномаси 2028 йилнинг 30 июнига қадар мўлжалланган. Жорий мавсумда ярим ҳимоячи «асаларилар» сафида барча мусобақаларда 38 та ўйинда майдонга тушиб, бешта гол урди ва учта голли узатмани амалга оширди. Transfermarkt портали Нмечанинг қийматини 45 миллион еврога баҳоламоқда.
