«ПСЖ» ҳужумчиси Брэдли Баркола фаолиятини Испанияда давом эттириши ҳақидаги хабарлар ўз тасдиғини топмади. Onze Mondial нашрининг маълумотларига кўра, футболчининг вакиллари унинг хизматларини «Барселона» клубига таклиф қилмаган.

Ҳозирда 23 ёшли ҳужумчи Париж клуби билан амалдаги келишувни узайтириш бўйича фаол музокаралар олиб бормоқда. Музокаралар якуни жорий мавсум тугаганидан сўнг расман эълон қилиниши кутилмоқда.

Эслатиб ўтамиз, Баркола 2023 йилда «Лион»дан 45 миллион евро эвазига «ПСЖ»га ўтган эди. Унинг амалдаги шартномаси 2028 йилгача мўлжалланган. Жорий мавсумда футболчи парижликлар сафида барча турнирларда 40 та ўйинда майдонга тушиб, 12 та гол ва 7 та голли узатмага муаллифлик қилди.