«PSJ» hujumchisi Bredli Barkola faoliyatini Ispaniyada davom ettirishi haqidagi xabarlar o‘z tasdig‘ini topmadi. Onze Mondial nashrining ma’lumotlariga ko‘ra, futbolchining vakillari uning xizmatlarini «Barselona» klubiga taklif qilmagan.

Hozirda 23 yoshli hujumchi Parij klubi bilan amaldagi kelishuvni uzaytirish bo‘yicha faol muzokaralar olib bormoqda. Muzokaralar yakuni joriy mavsum tugaganidan so‘ng rasman e’lon qilinishi kutilmoqda.

Eslatib o‘tamiz, Barkola 2023 yilda «Lion»dan 45 million yevro evaziga «PSJ»ga o‘tgan edi. Uning amaldagi shartnomasi 2028 yilgacha mo‘ljallangan. Joriy mavsumda futbolchi parijliklar safida barcha turnirlarda 40 ta o‘yinda maydonga tushib, 12 ta gol va 7 ta golli uzatmaga mualliflik qildi.