Londonning «Chelsi» klubi 23 yoshli niderlandiyalik darvozabon Robin Rufs bilan shartnoma imzolash imkoniyatini ko‘rib chiqmoqda. Bu haqda Football Insider nashri yozmoqda.

Manbalarning xabariga ko‘ra, londonliklar jamoaning asosiy darvozaboniga aylana oladigan posbon qidirishmoqda. «Aristokratlar» hozirda «Sanderlend» sharafini himoya qilayotgan Rufsning mahoratini yuqori baholashmoqda. Darvozabonning amaldagi shartnomasi 2030 yilning yoziga qadar imzolangan.

Robin Rufs joriy mavsumda Niderlandiyaning «Neymegen» klubidan «Sanderlend»ga o‘tgan edi. Posbon APLda 28 ta o‘yin o‘tkazib, ularning sakkiztasida o‘z darvozasi daxlsizligini saqlab qoldi.