Лондоннинг «Челси» клуби 23 ёшли нидерландиялик дарвозабон Робин Руфс билан шартнома имзолаш имкониятини кўриб чиқмоқда. Бу ҳақда Football Insider нашри ёзмоқда.
Манбаларнинг хабарига кўра, лондонликлар жамоанинг асосий дарвозабонига айлана оладиган посбон қидиришмоқда. «Аристократлар» ҳозирда «Сандерленд» шарафини ҳимоя қилаётган Руфснинг маҳоратини юқори баҳолашмоқда. Дарвозабоннинг амалдаги шартномаси 2030 йилнинг ёзига қадар имзоланган.
Робин Руфс жорий мавсумда Нидерландиянинг «Неймеген» клубидан «Сандерленд»га ўтган эди. Посбон АПЛда 28 та ўйин ўтказиб, уларнинг саккизтасида ўз дарвозаси дахлсизлигини сақлаб қолди.
