Belarusning «Gomel» klubi yarim himoyachisi Daniil Silinskiy «Manchester Siti» va O‘zbekiston terma jamoasi himoyachisi Abduqodir Husanov bilan birga o‘ynagan davrlarini esladi hamda uning kutilmagan “zaifligi” haqida gapirdi, deb xabar bermoqda Sports.kz Metaratings.by manbasiga tayanib.
Belaruslik futbolchining aytishicha, ular so‘nggi marta Silinskiy Husanovni Angliya grandiga o‘tgani bilan tabriklagan paytda muloqot qilishgan. U o‘zbekistonlik futbolchini maydon tashqarisida juda kamtar va mehribon inson sifatida ta’rifladi, ammo o‘yin vaqtida u butunlay o‘zgarib ketishini aytdi.
«Abduqodir — mehribon, kamtar yigit, ammo maydonda u butunlay boshqacha — juda jasur. Uning hozir “Siti”da o‘ynayotgani o‘ziyoq hammasini aytib turibdi: u top-futbolchi. Aytgancha, “Energetik”da u pechenyeni juda yaxshi ko‘rardi», — dedi Silinskiy.













