Faxriy futbolchi Tyago Silvaning hisoblashicha, agar hujumchi Neymar bo‘lajak jahon chempionatiga boradigan bo‘lsa, Braziliya terma jamoasi aynan u uchun o‘ynashi kerak. U nima uchun bunday fikrda ekanligiga izoh berdi.

«Braziliyada ba’zan norozilik bildirishadi — nega endi u uchun o‘ynashimiz, nega uning o‘rniga yugurishimiz kerak, maydonda u ham hamma qatori yugursin, deyishadi. Yo‘q, yigitlar, bu zarur! Chunki u boshqalardan farqli o‘laroq, o‘yin taqdirini hal qila oladi! O‘tgan jahon chempionatida Argentina terma jamoasi Messi uchun qanday o‘ynaganiga e’tibor bering. U yugurgani yo‘q — ular Messi uchun yugurishdi. Xo‘sh, bu nima bilan yakunlandi?», — deya Tyago Silvaning so‘zlaridan iqtibos keltiradi derbyderbyderby.it.

Eslatib o‘tamiz, jahon chempionati 11 iyun kuni start oladi.