Фахрий футболчи Тьяго Силванинг ҳисоблашича, агар ҳужумчи Неймар бўлажак жаҳон чемпионатига борадиган бўлса, Бразилия терма жамоаси айнан у учун ўйнаши керак. У нима учун бундай фикрда эканлигига изоҳ берди.

«Бразилияда баъзан норозилик билдиришади — нега энди у учун ўйнашимиз, нега унинг ўрнига югуришимиз керак, майдонда у ҳам ҳамма қатори югурсин, дейишади. Йўқ, йигитлар, бу зарур! Чунки у бошқалардан фарқли ўлароқ, ўйин тақдирини ҳал қила олади! Ўтган жаҳон чемпионатида Аргентина терма жамоаси Месси учун қандай ўйнаганига эътибор беринг. У югургани йўқ — улар Месси учун югуришди. Хўш, бу нима билан якунланди?», — дея Тьяго Силванинг сўзларидан иқтибос келтиради derbyderbyderby.it.

Эслатиб ўтамиз, жаҳон чемпионати 11 июнь куни старт олади.