O‘tmishning mashhur futbolchisi Eden Azar o‘zi birga to‘p surgan futbolchilar ichida eng zo‘ri kimligini aytdi.
"Men birga o‘ynagan eng yaxshi futbolchi? Karim Benzema. U ham o‘yinlarda, ham mashg‘ulotlarda juda yuqori darajani ko‘rsatardi. Men u bilan maydonga tusharkanman, o‘zimga-o‘zim: «Vau», derdim. U haqiqiy futbol san’atini namoyish etardi — Karim bilan birga o‘ynash ajoyib edi", — deya Azarning so‘zlarini keltiradi The Touchline.
Karim Benzema 2009–2023 yillar davomida "Real" sharafini himoya qilgan. Ushbu davr mobaynida fransuz 648 ta o‘yin o‘tkazib, 354 ta gol urdi va sheriklariga 156 ta golli uzatmani amalga oshirdi. Hozirda 38 yoshli Benzema "Al-Hilol" klubida to‘p surmoqda.
Eden Azar 32 yoshida professional faoliyatini yakunlagan edi.
