«Budyo-Glimt» Chempionlar ligasi 1/8 finalining ilk uchrashuvida Lissabonning «Sporting» jamoasini 3:0 hisobida mag‘lub etdi. O‘yin Norvegiyada bo‘lib o‘tdi.
32-daqiqada norvegiyaliklar himoyachisi Sondre Brunstad Fet penaltini aniq amalga oshirib, hisobni ochdi. Tanaffus oldidan hujumchi Ole Didrik Blomberg «Budyo»ning ustunligini ikki barobarga oshirdi. Ikkinchi bo‘limning o‘rtalarida esa hujumchi Kasper Xeg hisobni yirik ko‘rinishga olib keldi.
Javob o‘yini bir haftadan keyin, 17 mart kuni Portugaliyada bo‘lib o‘tadi. O‘yin Toshkent vaqti bilan soat 01:00 da boshlanadi.
Chempionlar ligasi. 1/8 final
12.03.2026 | 01:00
«Aspmira», Bude
«BUDYO-GLIMT» (Norvegiya) — «SPORTING» (Portugaliya) — 3:0
Gollar: Fet 32 — penaltidan (1:0), Blomberg 45+1 (2:0), Xeg 71 (3:0).
«Budyo-Glimt»: Xaykin, Byertuft, Gundersen, Byerkan, Syevold, Berg, Fet (Saltnes, 79), Evyen (Euklenn, 87), Xauge, Blomberg (Myayattya, 75), Xeg (Xelmersen, 79).
«Sporting»: Ruy Silva, Gonsalu Inasiu, Diomande, Fresneda, Vayannidis (Morita, 63), Yulmann, Simoyes (Santush, 63), Trinkan, Luis Gilyerme (Bragansa, 79), Katamu (Faye, 63), Suares.
Ogohlantirishlar: Gundersen (44), Xeg (76) — Yulmann (20).
