«Nottingem Forest» va Braziliya terma jamoasi himoyachisi Murillo Angliya Premyer-ligasining nufuzliroq klubiga o‘tishi mumkin. I Paper nashrining xabar berishicha, «Manchester Yunayted» futbolchi bilan shartnoma imzolashga qiziqish bildirmoqda.
23 yoshli futbolchining transfer qiymati Transfermarkt portali tomonidan 50 million yevroga baholanmoqda. Murillo va «o‘rmonchilar» o‘rtasidagi amaldagi mehnat shartnomasi 2029 yilning iyun oyi oxirida yakuniga yetadi.
Angliya Premyer-ligasining joriy mavsumida braziliyalik himoyachi 21 ta uchrashuvda ishtirok etdi. Murillo o‘z hisobiga bitta gol yozdirib qo‘ygan va to‘rtta sariq kartochka olgan.
APL turnir jadvalida «qizil iblislar» uchinchi o‘rinni egallab turibdi, «Nottingem Forest» esa 17-pog‘onadan joy olgan.
