«Ноттингем Форест» ва Бразилия терма жамоаси ҳимоячиси Мурилло Англия Премьер-лигасининг нуфузлироқ клубига ўтиши мумкин. I Paper нашрининг хабар беришича, «Манчестер Юнайтед» футболчи билан шартнома имзолашга қизиқиш билдирмоқда.

23 ёшли футболчининг трансфер қиймати Transfermarkt портали томонидан 50 миллион еврога баҳоланмоқда. Мурилло ва «ўрмончилар» ўртасидаги амалдаги меҳнат шартномаси 2029 йилнинг июнь ойи охирида якунига етади.

Англия Премьер-лигасининг жорий мавсумида бразилиялик ҳимоячи 21 та учрашувда иштирок этди. Мурилло ўз ҳисобига битта гол ёздириб қўйган ва тўртта сариқ карточка олган.

АПЛ турнир жадвалида «қизил иблислар» учинчи ўринни эгаллаб турибди, «Ноттингем Форест» эса 17-поғонадан жой олган.