Milanning «Inter» klubi yozgi transfer oynasida tarkibni kuchaytirishga tayyorgarlik ko‘rmoqda. «Neradzurrilar» Germaniya Bundesligasidan bir yo‘la bir nechta potensial yangi futbolchilarni tanlab oldi.
TMW jurnalistlarining ma’lumotlariga ko‘ra, Italiyaning top-klubi qiziqishlari doirasiga himoyachi Kim Min Dje («Bavariya»), shuningdek, yarim himoyachilar Yulian Brandt («Borussiya» Dortmund) va Leon Goreska («Bavariya») tushgan.
«Inter» joriy mavsumda Chempionlar ligasida muvaffaqiyatsizlikka uchradi va o‘tish o‘yinlari bosqichida Norvegiyaning «Budyo-Glimt» jamoasiga imkoniyatni boy berib, musobaqani tark etdi.
A Seriya turnir jadvalida esa milanliklar 67 ochko bilan ishonchli tarzda birinchi o‘rinni egallab turishibdi va eng yaqin ta’qibchisini yetti ochkoga ortda qoldirishmoqda.
