2025/2026 yilgi mavsum Chempionlar ligasi 1/8 final dastlabki uchrashuvlaridan so‘ng, ekspertlar asosiy favoritlar ro‘yxatini qayta ko‘rib chiqishdi.
Tahlilchilarning fikriga ko‘ra, joriy Chempionlar ligasida «Arsenal» g‘alaba qozonish uchun eng yuqori imkoniyatga ega. «To‘pchilar»ning bosh sovrinni qo‘lga kiritish ehtimoli 24,6% ni tashkil etmoqda.
Ro‘yxatning ikkinchi pog‘onasiga 18,7% lik ko‘rsatkich bilan «Bavariya» ko‘tarildi. «Barselona» va «PSJ» jamoalari 10,3% lik imkoniyat bilan uchinchi o‘rinni egallab turishibdi. Madridning «Real» klubi esa 7,1% bilan beshinchi pog‘onadan joy oldi.
Eslatib o‘tamiz, 1/8 finalning javob uchrashuvlari 2026 yilning 17 va 18 mart (seshanba va chorshanba) kunlari bo‘lib o‘tadi.
