«Tottenxem» bosh murabbiyi Igor Tudor Chempionlar Ligasida Madridning «Atletiko» jamoasidan qabul qilib olingan yirik mag‘lubiyat (2:5) haqidagi savolga javob berdi.

Madridga jamoani qo‘llab-quvvatlash uchun borgan «shporlar» muxlislari deyarli darhol umidlarini uzishdi — 15-daqiqaga keliboq tabloda «matraschilar» foydasiga 3:0 hisobi aks etib turardi. Qolgan vaqt ichida har ikki jamoa yana ikkitadan gol urishga muvaffaq bo‘ldi.

«Manchester Siti» 0:3 hisobida yutqazdi, «Chelsi» ham 2:5 hisobida imkoniyatni boy berdi. Yirik mag‘lubiyatlar har hafta sodir bo‘lib turadi. Doimiy ravishda pullarni qaytarib berish kerakmi? Unda futbol nima bo‘ladi? Odatda uzr so‘rashni yoqtirmayman, lekin bu safar «Atletiko» bilan o‘yinning dastlabki 15 daqiqasi uchun uzr so‘rashga majbur bo‘ldim. Qolgan vaziyatlar uchun esa uzr so‘raydigan joyim yo‘q», — dedi Tudor «Liverpul»ga qarshi uchrashuv oldidan.