Madridning «Real» klubi bosh murabbiyi Alvaro Arbeloa Chempionlar Ligasi 1/8 finali doirasida «Manchester Siti»ga qarshi kechadigan bo‘lajak javob uchrashuvi haqidagi savolga javob berdi.
Ispaniya grandi o‘z maydonida bo‘lib o‘tgan ilk bahsda 3:0 hisobida g‘alaba qozongan edi. Javob uchrashuvi seshanba kuni, 17 martda Angliyada bo‘lib o‘tadi.
«Bizni aql bovar qilmas darajada qiyin o‘yin kutmoqda. «Manchester Siti» bizni azob chekishga va bor kuchimizni berishga majbur qiladi. To‘g‘ri, bizda hisob borasida sezilarli ustunlik bor, lekin bunga yopishib olish kerak emas. Biz yaxshi bilamizki, «Manchester Siti» haqiqiy bosim o‘tkazishni boshlasa, har qanday raqibni supurib tashlaydi. Vazifamiz — bor kuchimizni berish va maksimal darajada diqqatni jamlash. Biz maydonga yana g‘alaba qozonish niyatida tushishimiz kerak, aks holda muammolar yuzaga keladi», — deya Madrid Universal Arbeloaning so‘zlarini keltiradi.
