Мадриднинг «Реал» клуби бош мураббийи Альваро Арбелоа Чемпионлар Лигаси 1/8 финали доирасида «Манчестер Сити»га қарши кечадиган бўлажак жавоб учрашуви ҳақидаги саволга жавоб берди.

Испания гранди ўз майдонида бўлиб ўтган илк баҳсда 3:0 ҳисобида ғалаба қозонган эди. Жавоб учрашуви сешанба куни, 17 мартда Англияда бўлиб ўтади.

«Бизни ақл бовар қилмас даражада қийин ўйин кутмоқда. «Манчестер Сити» бизни азоб чекишга ва бор кучимизни беришга мажбур қилади. Тўғри, бизда ҳисоб борасида сезиларли устунлик бор, лекин бунга ёпишиб олиш керак эмас. Биз яхши биламизки, «Манчестер Сити» ҳақиқий босим ўтказишни бошласа, ҳар қандай рақибни супуриб ташлайди. Вазифамиз — бор кучимизни бериш ва максимал даражада диққатни жамлаш. Биз майдонга яна ғалаба қозониш ниятида тушишимиз керак, акс ҳолда муаммолар юзага келади», — дея Madrid Universal Арбелоанинг сўзларини келтиради.