Angliya futbolida 30-tur o‘yinlari bo‘lib o‘tmoqda. «Liverpul» o‘z maydonida Londonning «Tottenxem» jamoasi bilan bahsda g‘alabali hisobni saqlab qola olmadi — 1:1. «Liverpul»ning sobiq futbolchisi Jeymi Rednapp «shporlar»ning muvaffaqiyatiga (u qo‘lga kiritilgan bir ochkoni aynan shunday baholadi) izoh berdi.
«Ketma-ket beshta mag‘lubiyatdan so‘ng bu ajoyib natija. Bu yerda, Liverpulda hech kim ularga zarracha ishonmagan edi. Men o‘zim ham bunga umuman ishonmagandim. Agar ular mag‘lub bo‘lishganida, Igor Tudorga javob berib yuborishgan bo‘lardi», — deya Rednappning so‘zlarini keltiradi BBC Sport.
Bu «Tottenxem» uchun Igor Tudor boshqaruvidagi ilk mag‘lubiyatsiz o‘yin bo‘ldi. Shunga qaramay, jamoa turnir jadvalida hamon 16-o‘rinda qolmoqda.
