«Tottenxem» «Liverpul» bilan o‘yinning so‘nggi daqiqalarida mag‘lubiyatdan qutulib qoldi (1:1). «Enfild»da mag‘lubiyatdan qutqarib qolgan golga 90-daqiqada Risharlison mualliflik qildi. Superkompyuter hisob-kitoblariga ko‘ra, hozirgi holatda «shporlar»ning Chempionshipga tushib ketish ehtimoli 14,9% ni tashkil etmoqda.
Boshqa jamoalarda vaziyat bundan ham achinarli: «Nottingem Forest»ning tushib ketish xavfi 34,05%, «Vest Xem»niki esa 45,26% ga teng. «Byornli» (99,66%) va «Vulverxempton»ni (99,88%) esa endi hatto mo‘’jiza ham qutqarib qolishi qiyin.
«Tottenxem» 30 ochko bilan APL turnir jadvalida 16-o‘rinni egallab turibdi va «Nottingem Forest» hamda «Vest Xem»dan bir ochko oldinda. Ulardan bir pog‘ona yuqorida esa 32 ochko jamg‘argan «Lids» joylashgan.
